|
Bisita liburua
|
 |
|
|
|
aruran
|
|
morga
|
2010/1/29
|
|
aruran3@gmail.com
|
|
|
|
Olabarrin Zentralik ez!!!
Ez! Zentrala ezin dalako egin arauei eta legeei jaramonik egin barik.
Ez! Zentrala dala-eta kamioi pilloa ibiliko direlako eten barik MUNGIA-GERNIKA (BI-2121) errepidean, atzera eta
aurrera, eta BIDE HORI ASKOZ BE ARRISKUTSUAGOA izango dalako danontzat.
Ez! Zentralak, egurraz gain, ez dakigulako ondo zer erreko dauan. Egurra dagoanean… egurra! ... eta egurrik ez dagoanean, zer erreko dau, ba?
Ez! Zentral honetan 22,5 tonelada erreko diralako, egun osoan, egunero-egunero, urtean hamaika hilabetetan… Guztira, 180 mila tonelada urtean! Bada, gero!
Ez! Zentral honek gure osasunari kalte egingo deutsalako! Zentralak oso tximinia luzea dauka, 50 metrotik gorakoa… kutsadura eta kea botatzeko eten barik!
Ez! Zentralaren emisioak kalte haundia egingo deutsalako URDAIBAIko erreserbari.
Ez! Zentralak gure ingurua, gure basoa, mendia eta baserritarren bizimodua hautsiko dauazalako betiko.
ZENTRAL HONEK, BENETAN, GUZTIONGAN DAUKA ERAGINA!
BATU GAITEZAN GUZTIOK ERRIGOITI-ARRIETA GARBI PLATAFORMAN, ZENTRALA GELDITU GEINKE-ETA!
ERRETA? Geu gagoz ERRETA dagoaneko! Baina, ERRE KE ERRE jarraituko dogu, zentralaren asmoa bertan behera itxi arte! Zentralari? Horixe... EGURRA!
Poligonomalluki.blogspot.com errigoitigarbia@hotmail.es
|
|
|
Auzotar bat
|
|
morga
|
2010/1/17
|
|
argine1@hotmail.com
|
|
|
|
Baserrian jaiotakoa naiz eta badakit zer dan gaur egun daukagun basoko egurrak ezertxo ere balio ez izatea, baserritarrek egindako lanari etekinik atera ezin izatea, eta agintariek egoera horri irteera duin bat ematearen aldekoa naiz. Eta orain danok konturatzen gara basogintzaren kudeaketa ez dala egin ondo, izan ere, gure basoetan insignis pinua eta eukaliptoa baino ez dago. Horrexek ekarri deusku daukagun egoera. Beti berdin: etxeak... milaka, autoak...milaka, pinadiak...hektareaka. Eta gero dana sobera! Baina egindakoa eginda dago, eta alferrik da negar egitea.
Urtenbideak bilatu beharra dago, eta horien artean... bat, beharbada, agian, (baina ez nago seguru) biomasa-plantak jartzea izan leiteke.
BAINA EZ EDOZELAN ETA EZ EDONON!!!
Olabarri auzoan Errigoitiko udalak bultzatutakoa eta, hasiera batean behintzat, Arrietakoak babestutakoa EZIN DA ONTZAT eman. Zentral hauek ez dira kutsatzaileenak, konforme, baina KUTSATZAILEAK dira! Are gehiago, 74 mw sortzeko ipini nahi duten hori! (Airera botako lituzkeen gas kutsatzaileak, errekara isuriko lukeen ur epela eta ez dakigu zer gehiago, kamioi pilloa aste eta jai egun guztietan errepide kaskar honetan, momentu baten ere isilduko ez litzakeen zarata...)
Hau guztia kaleratu duten espedientean agertzen da:
‘Proyecto técnico y estudio de impacto ambiental de la planta de biomasa forestak en Errigoiti’
Eta zentrala NON ETA BIZILAGUNEZ OSATUTAKO NUKLEO baten ondo-ondoan!!!
Zeinen buruan egon leike holako planta bat holako leku baten ipintea?
Palentziako Baltanas herrian antzeko planta bat ipini gura izan eben, eta azkenean, 2008an bertako Auzitegi Gorenak arrazoia eman eutsien herritarrei, beste arrazoi batzuen artean, bizilagun-nukleo batetik gutxienez bi kilometroko tartea eukitzea eskatzen zalako.
http://www.ecologistasenaccion.org/spip.php?article14776
Olabarri, Intxuniz, Jainko, Libao, Meakaur, Andra Mari... Hemen bizi garenok diferenteak gara? Ez gara pertsonak? Ez dogu arnasa hartzen?
Orain nire galdera:
Eusko Jaurlaritzak Euskal Autonomia Erkidegoan holako planten beharrizana aztertu dau? Ikertu dau planta hauen eragina dala eta, zer-nolako lekuetan ipini beharko litzatekezen?
Inolako estudiorik egin barik, Olabarri da lekurik egokiena ?
Ez dago sikiera pertsonei kalte zuzenik ez egiteko inguruan bizilagunik ez daukan lekuren bat?
Benetan gura neuke honi guztiari nonork erantzun zentzudun bat emotea. Zain egongo naiz.
|
|
Liburuan sinatu
|
| |
Eremu pribatua |
 |
|
|
|
| |
Eztabaida-taldeak |
|
|
|
|
|
Argazkiak
